Mysafirët e nisën më mirë sfidën, mirëpo pas çerekut të parë, rezultati ishte i barabartë (19:19).
Nikoqirët ia dolën që në çerekun e dytë të luanin më mirë se kundërshtari (16:15), për ta mbyllur pjesën e parë me rezultat 35-34.
Mohamed Abukar me një ngulitje fantastike për Sigal Prishtinën kundër Energias.
Posted by Telegrafi Sport on Tuesday, 17 November 2015
Ekipi kryeqytetas ishte fantastik në çerekun e trëtë, gjatë të cilit e dominoi kundërshtarin. Prishtina realizoi 24 pikë, thuajse dy herë më shumë se kundërshtari që shënoi vetëm 13 pikë në këtë pjesë të lojës. Kështu, ky çerek u mbyll me 12 pikë e përsi për vendasit (59:47).
Në çerekun e fundit, skuadra kosovare nuk u tregua shumë e përqendruar (7:15), megjithatë ia doli që të dalë triumfuese me katër pikë epërsi.
Më i miri për vendasit ishte Abukar me 19 pikë, ndërsa te mysafirët 15 pikë i shënoi Eziukwu.
Kjo është fitorja e dytë e Sigal Prishtinës në Europe Cup që po ashtu ka regjistruar edhe dy humbje. Ndërkaq, për Energian kjo ishte humbja e parë pas katër ndeshjesh. /Telegrafi/
Super Prishtina, Super Plisat #HajdePrishtinë
Posted by KB Prishtina on Tuesday, 17 November 2015