Prishtina ka siguruar mbijetesën në xhiron e fundit, atë të 36-të në BKT Superligën e Kosovës, duke e mposhtur Llapin si mysafir me rezultat 2-1.
Ish kampioni Prishtina ishte mysafir i Llapit, ku fitoi me rikthim këtë ndeshje.
Llapi e nisi pjesën e dytë me gol (51’), ku Valmit Veliu fitoi penallti dhe vet e ktheu në gol për 1-0.
Gauthier Mankenda shpejtë barazoi shifrat në minutën e 59-të me një goditje me kokë për 1-1.
Vetëm pas dy minutash sërish Mankenda shënoi për 2-1, duke i dhënë qetësi Prishtinës.
Deri në fund nuk kishte gola dhe ndeshja u mbyll me fitoren e Prishtinës.
Prishtina e mbyll sezonin me 51 pikë në pozitën e pestë, ndërsa Llapi me 54 pikë në pozitën e katërt. /Telegrafi/