Prishtina e ka fituar derbin përballë Llapit në kuadër të javës së 32-të në Superligën e Kosovës me rezultat 3-1.
Bardhekaltrit e filluan më mirë takimin, duke kaluar në epërsi pas vetëm 15 minutash lojë me golin e shënuar nga Mankena.
Por, kaluan vetëm tre minuta dhe Llapi i barazoi shifrat në 1-1 me anë të Aliut, që përfitoi nga një kundërsulm i shpejtë.
Prishtina nuk u dorëzua aq lehtë dhe e e riktheu epërsinë me golin e Bekteshit që shënoi me kokë në minutën e 40-të.
Në 45 minutat e dytë, ishin sërish mysafirët që dominuan, duke shënuar edhe golin e tretë.
Otto John u përkujdes që në minutën e 63-të, të shënonte për 3-1, duke i dhënë skuadrës së tij tre pikë të plota.
Pas javës së 32-të, Prishtina ka marrë kreun e tabeëls me 69 pikë, derisa Llapi është në të pestin me 39 sosh. /Telegrafi/