Në stadiumin e Vëllaznimit në Gjakovë, Prishtina ka mposhtur në ndeshje miqësore anëtarin e ri të Ligës së parë, Onix nga Banja e Pejës.
Ishte kjo ndeshja e parë e bardhekaltërve në fazën përgatitore. Realizues i dy golave ishte Basit Abdul Khalid – 26’ shënoi me të djathtën, e 42-të me të majtën dhe ishte njëri prej golave më të bukur të tij.
Në minutën e 80-të portieri Ardit Nika priti penalltinë.
Të dielën më 18 qershor në Kastriot, Prishtina takohet me Përfaqësuesen e Kosovës U19.
Në ndeshjen miqësore të zhvilluar sot në Gjakovë, prezent ishte edhe futbollisti i Kombëtares Shqiptare, Taulant Xhaka.
Taulanti dhe i vëllai, Graniti, sa herën kanë mundësi e përcjellin Prishtinën nga afër dhe njihen si tifozë të mëdhenj të Prishtinës. /Telegrafi/
