Prishtina dy herë ishte në epërsi, por në të dy rastet Flamurtari arriti barazimin, madje kishte dy raste të volitshme edhe për fitore. Golin e parë për Prishtinën e shënoi Isuf Lllumnica në minutën 6, pas një veprimi të rrjedhshëm, ndërsa Flamurtari barazoi në minutën 18-të me golin e Milot Bislimit,
Në pjesë e dytë skuadrat pësuan ndryshime të shumta, ndërkohë që edhe gjatë kësaj kohe u shënuan dy gola në anë të kundërta. Së pari Gentrit Begolli në fillim të pjesës së dytë me gjuajtje nga vija e 16-shit shënoi golin më të bukur të ndeshjes, dhe Prishtina kaloi në epërsi 2;1, ndërsa nuk vonoi shumë e pas një veprimi të mençur të kuqezinjve, Jahir Shjarina në minutën 52-të e zuri në gjumë mbrojtjen e Prishtinës dhe nga afërsia barazoi rezultatin, raporton Zëri
Duhet thënë se skuadra e Flamurtarit la përshtypje solide kur dihet se përbëhet kryesisht nga futbollistët e rinj. /Telegrafi/