Prindërit dhe motra e një nuse kanë humbur jetën në një aksident trafiku, derisa po shkonin në dasmën e saj.
Kamerat e sigurisë kanë filmuar momentin kur vetura e tyre goditet nga një veturë tjetër, me ç’rast prindërit dhe motra e nuses humbin jetën, transmeton Telegrafi.
Në videon e publikuar më poshtë, shfaqet një veturë e zezë e tipit Lada duke u kthyer në të majtë kur një veturë e tipit Toyota Camry që po lëvizte me shpejtësi të madhe i godet, në një autostradë në Dagestan.
Por, edhe shoferi i veturës që i la të vdekur prindërit dhe motrën e nuses, kishte të instaluar një kamerë brenda veturës e cila ka filmuar momentin e përplasjes.
Raportohet se të afërmit e nuses ishin mbledhur në hotelin Dzhami, dhe po prisnin prindërit dhe motrën e saj që të fillojë ceremonia martesore. /Telegrafi/
