Ka nisur nata e parë e edicionit të 20-të të festivalitt “Kënga Magjike”.
Ashtu si edhe çdo vit tjetër, edhe sivjet konkurrenca është mjaft e fortë, teksa në skenën e festivalit janë ngjitur shumë artistë si të rinj, ashtu edhe nga ata me emër.
Përveç producentit Ardit Gjebrea, krah tij sivjet prezantojnë edhe dy bukuroshet: prezantuesja Bora Zemani, dhe balerina e njohur, Klaudia Pepa.
Të dyja ato kanë rrëmbyer vëmendjen e publikut me paraqitjen e tyre elegante dhe atraktive në natën e parë të festivalit.
Në disa prej videove të publikuar në faqen e Televizionit KLAN, dy bukuroshet tregojnë emocionet e tyre të natës së parë të festivalit.
“Jam shumë e emocionuar se nuk e di si do më prisim këtë herë si bashkëprezantuese me Arditin dhe me Borën. Kam shumë emocione, do prezantoj, do kërcej, jam me ju, jam shumë e lumtur”, ka thënë Klaudia Pepa.
Ndërkohë, jo më pak e emocionuar ka qenë edhe kolegia e saj tjetër prezantuese, Bora Zemani, e cila është shprehur: “Kam emocione, por janë nga ato emocionet e mira. Për pak fillon magjia”.
Përndryshe, festivali “Kënga magjike” po ndiqet nga mijëra shqiptare në TV Klan dhe ‘live stream’ në internet. /Telegrafi/