Prezantim bravoroz i Interit për fanellën bazë në edicionin 2021/22

Interi ka publikuar imazhe të fanellës bazë me të cilën do të luajë në edicionin 2021/2022.

Nerazzurët janë kampion në fuqi në Serie A, pasi edicionin e kaluar arritën ta rikthenin titullin në Giuseppe Meazza pas më shumë se dhjetë vitesh.

Përmes një video në rrjetet sociale, Interi ka prezantuar fanellën e re, e cila ndryshon nga dizajni tradicional.

“Gjarpri po ndryshon lëkurën e tij në mënyrë që të jemi gati për sfida të reja në horizont. Ne jemi të entuziazmuar që zbulojmë fanellën tonë për 2021/22, e para e këtij lloji me kreshtën tonë të re!”, thuhet në njoftimin e  klubit italian.

Me ngjyrën e kaltër dhe të zezë, e përshkuar nga një “lëkurë” gjarpri, ajo duket tejet e bukur dhe aktualisht duket se është pritur mirë nga tifozët e Nerazzurëve. /Telegrafi/