Gosiame Thamara Sithole nga Afrika e Jugut që pretendonte se ka sjellë në jetë 10 fëmijë, është pranuar në spitalin psikiatrik në Johanesburg, për shkak të spekulimeve se një lindje të tillë nuk ka pasur kurrë.
Kujtojmë që në tërë botën ishte raportuar për lindjen e dhjetënjakëve, ku pretendohej se “Sitole dhe partneri i saj Tebog Tsotets mbetën të shokuar kur panë ultrazërin e tetë fëmijëve, e pas lindjes ishin befasuar më shumë kur kuptuan se bëhet fjalë për dhjetë”, transmeton Telegrafi.
“Jemi bërë me shtatë djem dhe tri vajza, jam i lumtur, i emocionuar – nuk po mund të flasë”, kishte deklaruar asokohe “babai”.
Megjithatë, tani ekziston dyshime se gruaja as që ka qenë shtatzënë. Kontrollet mjekësore kanë treguar se nuk ka pasur fare shtatzënie. Gjithashtu nuk ka shenja që do të konfirmonin se lindjet janë kryer me prerje cezariane.
Avokati i saj Refiloe Mokoen, thotë që Sithole po pretendon që po mbahet kundër vullnetit të saj në spitalin psikiatrik.
“Nuk ka dashur të shkoj në spital për një kontroll psikiatrike, pasi që konsideron se është e shëndoshë. Më ka kërkuar ta shoqëroj, por personat kompetentë më kanë thënë që tani është përgjegjësi e tyre – duke më pamundësua të jem pranë saj”, ka shtuar avokati.
Ndërkohë, madje edhe “babai” i fëmijëve ka dyshuar në këtë rrëfim – duke tentuar disa herë t’i vizitojë fëmijët, por ajo nuk kishte zbuluar vendndodhjen.
Edhe mediat lokale kanë raportuar se nuk ka ndonjë dokument të protokolluar, që ajo ka qëndruar në ndonjë spital për të lindur fëmijët. /Telegrafi/
