Lucy Carrington nga Londra, pretendoi se e ka kthyer qenin Storm në vegjetarian, andaj e ftuan në një emision mëngjesi, që ta dëshmonte këtë ndryshim diete.
Por, ajo mbeti e turpëruar, kur qeni zgjodhi të hante mish, e jo perimet që ishin në anën tjetër, transmeton Telegrafi.
Sipas pronares, Storm nuk pëlqente të hante mish, andaj ajo i blinte ushqimet vegjetariane për kafshë, ndërsa i shërbente dhe perime të ndryshme. Kështu ndodhi gjatë tërë verës, por përkundër dëshirës së kafshës.
“Është një qen i butë, që ka pranuar të hajë gjithçka dhe nuk është trazuar, derisa i është sjellë ushqimi i duhur. Janë kafshë mishngrënëse, e pamundur të bëhen vegjetariane” ka thënë një veteriner.
Me të kutuar që kjo nuk është zgjedhja e tij ushqimore, Carringon ka bërë të ditur se do ta ushqejë me gjërat më të mira, që i kanë munguar gjatë tërë kësaj kohe. /Telegrafi/
