Presidentja e Kroacisë, Kolinda Grabar-Kitarovic dhe kryeministri rus, Dmitry Medvedev, nuk kanë mundur të mungojnë në ndeshjen ndërmjet kombëtareve të tyre në Sochi.
Përfaqësuesja e Kroacisë dhe ajo e Rusisë janë përballur në çerekfinale të Kampionatit Botëror, ‘Rusia 2018’.
From Sochi, President of Croatia Kolinda Grabar-Kitarović , Vladimir Medvedev the Russian prime minister, and the President of the Croatian Federation Daafor Sucre, and Giani Infantino present at #WorldCup game #RUSCRO pic.twitter.com/SUqNoEQ95Z
— King A 👑 (@AdamMaina_) July 7, 2018
Dhe pos tifozëve të zakonshëm, në zonën VIP nuk kanë munguar edhe krerët e shteteve respektive.
E veshur me simbole të shtetit të saj, presidentja e Kroacisë ka qëndruar ulur pranë legjendës Davor Suker dhe kreut të FIFA-s, Gianni Infantino, ndërsa në anën tjetër ndodhej kryeministri i Rusisë, Medvedev.
Në momentin kur Rusia e shënoi golin e epërsisë, Grabar-Kitarovic tregoi kulturën e saj duke ia zgjatur dorën politikanit rus.
Ndërkaq, kur Kroacia e barazoi rezultatin, edhe Medvedev u desh t’ia zgjaste dorën mysafires së tij.
Rusya'nın golü sonrası Medvedev'i tebrik eden Hırvatistan Cumhurbaşkanı Kolinda Grabar-Kitarović, dakikalar sonra tebrikleri kabul etti. 😎😎😎#Croatia #kolindagrabarkitarovic pic.twitter.com/gI4BMOPYaX
— sincera🏆 (@Sincera_1907) July 7, 2018
Gjatë gjithë kohës sa kombëtarja e saj po merr pjesë në Rusi, presidentja Grabar-Kitarovic e ka inkurajuar vazhdimisht ekipin dhe është treguar një tifoze e madhe. /Telegrafi/