Presidenti i Venezuelës, Nicolas Maduro, ka nxitur reagime të ashpra me një veprim që e ka bërë gjatë transmetimit live në televizion.
Ai është kapur nga kamerat duke ngrënë sandviç derisa po i drejtohej kombit, transmeton Telegrafi.
Derisa po mbante fjalimin në pallatin presidencial “Palacio de Miraflores” në Karakas, Maduro është kapur duke nxjerr nga tavolina e tij sandviçin.
Maduro, një ish-shofer autobusësh, duket se nuk ishte në dijeni që po shkonte transmetimi live, pasi nxori sandviçin e mbushur me mish dhe filloi ta kafshoj.
Maduro njihet si një lider që shpesh mban fjalime që zgjasin me orë të tëra, përmes të cilave propagandon dhe flet për “armiqtë” e vendit të tij. /Telegrafi/
