Presidenti somalez, Mohamed Abdullahi Mohamed, suspendoi kryeministrin e vendit për shkak të dyshimeve për korrupsion dhe keqpërdorim të tokës publike.
“Duke theksuar se kryeministri Mohamed Hussein Roble më 26 dhjetor 2021 emëroi ministër të ri të Mbrojtjes pa mbaruar hetimi në vazhdim rreth ndërhyrjes në rastin e korrupsionit në lidhje me tokat publike në pronësi të SNA-së, puna dhe kompetencat e kryeministrit janë suspenduar në pritje të hetimit”, thuhet në njoftimin e publikuar nga Presidenca e Somalisë.
Presidenti Mohamed gjithashtu urdhëroi suspendimin e komandantit të marinës, i cili më herët akuzoi kryeministrin për uzurpim të tokës dhe keqpërdorim të tokës publike, transmeton Anadolu Agency.
Dje, kryeministri dhe presidenti shkëmbyen akuza teksa situata politike në vend po përkeqësohet.
Presidenti Mohamed akuzoi kryeministrin se ka dështuar të përmbushë mandatin e tij për të udhëhequr vendin në zgjedhjet, siç edhe ishte ngarkuar.
Nga ana tjetër, kryeministri Roble tha se presidenti po prishte qëllimisht zgjedhjet e përgjithshme.