Tashmë për të ka një mandat arresti, pasi presidenti i PAOK-ut, Ivan Savvidis, u fut në fushë me pistoletë në dorë duke e kërcënuar gjyqtarin e ndeshjes ndaj AEK-ut.
Kjo ngjarje bëri xhiron e botës, duke e kthyer Savvidisin si lajmin kryesor, pasi ai u bë shkas që kryeministri i shteti grek, Alexis Tsipras, ta pezullojë kampionatin.
Por kush është ky person që krijoi gjithë këtë situatë tensionin që duket sikurse film.
Ivan Savvidis ka lindur në 1959-ën në Gjeorgjinë e Republikës Sovjetike, ndërsa mban dyshtetësi atë ruse dhe greke.
Para se ta blinte klubin e PAOK-ut në vitin 2012, ai ishte drejtues i klubit rus, Rostov.
Ai ka qenë edhe politikan ku merrte pjesën në parlament si deputet. Ai është një prej personave më të pasur në Rusi, njëherazi ndër personat më të afërt të presidentit rus, Vladimir Putin.
Aksionari kryesor i klubit të PAOK-ut, Ivan Savvidis, ka një të shkuar ushtarake në radhët e ushtrisë ruse ku ka mbajtur gradën e rreshterit. Ai ka edhe shkollim edhe si ekonomist.
Ai ka qenë president i kompanisë së cigareve Donskoy Tabak, ndërsa është marrë edhe me disa biznese peshku dhe bujqësie.
Savvidis ka dy hotele të mëdha, një komani telekomunikacioni si dhe menaxhon portin e qytetit të Selanikut.
Ai ka një fondacion bamirësie, ku merret me rregullimin e kulteve ortodokse, por edhe me promovimin e projekteve kulturore, arsimore, shkencore dhe punëve kërkimore.
Savvidis financon Federatën Ndërkombëtare të Shahut dhe Federatën Ruse të Bilardos. /Telegrafi/