Presidenti i Nigerisë, Muhammadu Buhari, ka hedhur poshtë pretendimet se ai ka vdekur dhe se është zëvendësuar nga një klon, duke i quajtur spekulimet “si thashetheme të injorantëve”.
Buhari ka shkruar në profilin e tij në Twitter, se një pyetje e tillë i është bërë gjatë një vizite në Poloni, transmeton Telegrafi.
“Një nga pyetjet që më është bërë sot në takimin në Poloni, ishte nëse jam klonuar. Thashethemet e injorantëve nuk më befasojnë, derisa ishte në pushim mjekësor gjatë vitit të kaluar, shumë njerëz kanë shpresuar se jam i vdekur”, ka shkruar presidenti nigerian.
Buhari kishte kaluar një kohë të gjatë në Londër duke u trajtuar në spital, ndërsa ka pasur raste për plotë tre muaj nuk është shfaqur fare në Nigeri.
Kështu mungesa e tij ka nxitur spekulime sa i përket shëndetit, duke bërë kështu që të qarkullojnë gënjeshtra të ndryshme se ai ka vdekur . /Telegrafi/
One of the questions that came up today in my meeting with Nigerians in Poland was on the issue of whether I‘ve been cloned or not. The ignorant rumours are not surprising — when I was away on medical vacation last year a lot of people hoped I was dead. pic.twitter.com/SHTngq6LJU
— Muhammadu Buhari (@MBuhari) December 2, 2018