Presidenti i Shqipërisë Ilir Meta i ka ndarë pas vdekjes Agur Vrenozit “Dekoratën e Artë të Shqiponjës”.
Motivi, sipas dekretit të kreut të shtetit, është për aktin e tij vetëmohues në mbrojtje të jetës së bashkëqytetarëve; për veprimin heroik e sublim, frymëzues për mbarë shoqërinë për të reaguar në përballjen me dhunën, krimin e rrezikun për jetën, paqen sociale, pronën e sigurinë qytetare.
Vrenozi humbi jetën në përpjekje për të ndihmuar bashkëqytetarin e tij, i cili kishte rënë pre e grabitjes në vendin e tij të punës, në një pikë të këmbimit valutor. /Telegrafi/
