Presidenti i Juventusit, Andrea Agnelli ka lënë të kuptohet se ai nuk do ta pranojë Scudetton bazuar në renditjen aktuale pas ‘pëlqimit’ të një postimi në rrjetin sociale Twitter.
Juve udhëheq tabelën në Serie A për një pikë, duke marrë gjithsej 63 pikë nga 26 ndeshjet, para se sezoni të shtyhej për një kohë të pacaktuar për shkak të pandemisë së coronavirus.
I pari i FIGC-së, Gabriele Gravina ka deklaruar disa herë se do të bëjë gjithçka që mundet për të siguruar përfundimin e sezonit, duke deklaruar gjithashtu se do të ketë një fitues të titullit në sezonin 2019-20.
Edhe presidenti i Juventusit duket se dëshiron që sezoni të mbyllet dhe nga 38 ndeshjet e luajtura të shpallet fituesi i kampionatit.
Agnelli pëlqeu një postim në Twitter që shkruante: “Do të ishte e mrekullueshme, por të thuash” jo faleminderit “do të ishte edhe më e mrekullueshme!”.
Zonja e Vjetër pohon se ata kanë fituar 37 Scudetto, por FIGC argumenton se kanë fituar 35 për shkak të skandalit të Calciopolit, i cili ia largoi atyre titujt e sezoneve 04-05 dhe 05-06. /Telegrafi/
