Presidenti i Finlandës, Sauli Niinisto, tha se vendi i tij “po ndërmerr një hap historik” me aplikimin për anëtarësim në NATO gjatë një konference për shtyp në Shtëpinë e Bardhë.
“Finlanda e ka marrë vendimin e saj pas një procesi të shpejtë, por shumë të plotë”, tha ai para gazetarëve.
“Procesi ka treguar edhe një herë forcën e demokracisë finlandeze. Duke nisur nga mbështetja e fortë e publikut, vendimi u mor me një shumicë dërrmuese parlamentare dhe mori gjithashtu mbështetje të madhe popullore”, pohoi ai.
An important discussion with President @JoeBiden and @SwedishPM Magdalena Andersson today. The US strongly supports Finland’s and Sweden’s NATO membership. pic.twitter.com/6cTWtDjwgs
— Sauli Niinistö (@niinisto) May 19, 2022
Niinisto falënderoi udhëheqësin amerikan Joe Biden për “mbështetjen e palëkundur” gjatë procesit, ndërsa siguroi vendet e tjera të NATO-s se Finlanda do të bëhej një “aleat i fortë”.
Ai tha se “unë dua t’ju siguroj se Finlanda do të bëhet një aleate e fortë e NATO-s. Ne e marrim sigurinë tonë shumë seriozisht. Forcat e armatosura finlandeze janë një nga më të fortat në Evropë”.
Ndryshe, Biden ka deklaruar se të martën, Senati do të votojë rreth anëtarësimit të Finlandës dhe Suedisë në NATO. /Telegrafi/
Tune in as I deliver remarks with Prime Minister Magdalena Andersson of Sweden and President Sauli Niinistö of Finland. https://t.co/EaRI5mkhDA
— President Biden (@POTUS) May 19, 2022