Presidenti brazilian tregoi se shërohet si është më së miri pas operacionit në kafkë.
Luiz Inacio Lula da Silva ka shpërndarë një video në rrjetet sociale, ku shfaqet duke ecur nëpër korridoret e spitalit Sirio-Libanes në Sao Paulo.
“Faleminderit për çdo lutje dhe fjalë ngushëlluese që më keni shprehur gjatë këtyre ditëve të fundit. Ju lutem, qëndroni të qetë. Jam i fortë dhe i vendosur! Së shpejti, do të jem gati që të kthehem në shtëpi për të vazhduar punën dhe të kujdesem për çdo familje braziliane. 2025 po afron dhe kemi shumë takime në Brazil dhe nëpër botë”, ka shkruar i pari i shtetit brazilian në Instagram.
Ai po rikuperohet nga dy operacione që iu nënshtrua këtë javë për të ndaluar dhe parandaluar gjakderdhjen në kafkën e tij.
Siç është raportuar më parë 78-vjeçari pësoi një dëmtim të rëndë në kokë pasi rrëshqiti teksa bënte dush në banesën e tij.
Politikani 78-vjeçar mori disa qepje dhe një MRI zbuloi një hemorragji të vogël në kokë.
Ndryshe, lideri i së majtës braziliane ishte nën monitorim pas një kraniotomie. Sipas NHS, një kraniotomi është një procedurë kirurgjikale në të cilën një neurokirurg heq përkohësisht një pjesë të kafkës për të hequr një hematomë. Një operacion i tillë zakonisht kryhet nën anestezi të përgjithshme. /Telegrafi/