Kësaj radhe, ky qytet sjell diçka ndryshe e plot jetë. Të rinjtë nga Presheva vijnë me ‘Presheva Winter Fest’.
Ditën që do të mbahet festivali do të prezantohen ‘DJ’ lokalë për argëtimin e pjesëmarrësve, transmeton presheva.com.
Përveç ushqimit e pijeve, gjithashtu do të bëhet shfaqja e filmave në ambient të hapur të përzgjedhur nga stafi i projektit humanitar “Movie Night”.
‘Presheva Winter Fest’ ka pasur shumë përkrahje nga individë e kompani të ndryshme, gjithashtu edhe nga lokalet më të frekuentuara të qytetit që të dielën do t’i bashkëngjiten festës.
Organizatorët kanë bërë të ditur se festa është e hapur për të gjithë dhe është pa pagesë.
‘Presheva Winter Fest’ do të mbahet më datën 24 janar në hapësirën prapa kishës në rrugën e Gjilanit.
