Reperët e njohur Skivi dhe Cozman kanë publikuar projektin e tyre më të ri muzikor, këngën dhe klipin “Shoqnia”.
Muzika dhe teksti janë realizuar nga “Big Deal Records”, gjersa videoklipi është punuar në Prishtinë nga Epic Production.
Kënga flet për jetën e natës, luksin, femrat e mbi të gjitha shoqërinë, të cilën reperët mes vete e ruajnë tash e disa vite.
“Shoqnia” është publikuar një ditë me vonesë, megjithatë reperi Visar Shala e arsyeton këtë vonesë, duke thënë se kënga është e kapshme për publikun, ndaj dhe ia ka vlejtur pritja. /Telegrafi/
