Mbrëmë është shfaqur për herë të parë filmi shumë i përfolur “Fifty Shades Darker”.
E interesimi të madh kanë shfaqur qytetarët e Kosovës, të cilët kanë zgjedhur kinematë e kryeqytetit kosovar ta shikojnë filmin.
Llogaria zyrtare në rrjetin social e kinemasë Cineplex njofton se është thyer një rekord sa i përket shikueshmërisë premierave të filmave në Kosovë, transmeton Telegrafi.
“Me 1400 bileta të shitura sot për filmin Fifty Shades Darker kemi vendosur një rekord të ri! Ju falënderojmë të gjithëve që na vizituat!”, shkruan në faqen zyrtare të kësaj kinemaje.
Ndryshe, këngëtarja shqiptare Rita Ora është bërë pjesë e këtij filmi në rolin e Mia Greyy, përkatësisht do të luajë rolin e motrës së personazhit kryesor.
Theksojmë se edhe kënga “Kiss Me” e Ritës është kolonë zanore e “Fifty Shades Darker”. /Telegrafi/
