Kosova U21 ka pësuar humbje të thellë në shtëpi 0-4 nga Izraeli.
Përfaqësuesja jonë zhvilloi një ndeshje të mirë por fati nuk e përcolli në këtë sfidë.
Pas ndeshjes, trajneri Rafet Prekazi ka thënë se ka qenë një ndeshje e mirë nga djelmoshat kosovar.
Sipas Prekazit, kanë ndikuar disa gabime amatoreske në pjesën e parë për humbje.
“Ishte një ndeshje e mirë nga ana jonë. Mendoj se ndikuan disa gabime amatoreske në pjesën e parë”, tha Prekazi për Supersport.
Trajneri mitrovicas deklaroi se nuk duhet të dëshpërohen pasi ka një ekip të mirë dhe me të ardhme.
“Nuk duhet të dëshpërohemi pasi që kemi shumë ndeshje përpara dhe kemi ekip të mirë”, ka thënë Rafet Prekazi pas ndeshjes.
Pas kësaj humbje, Kosova ka zbritur në pozitën e katërt në tabelë me gjashtë pikë të tubuara pas pesë ndeshjeve. /Telegrafi/