Ekipet e zjarrfikësve në Tanzani për të tretën ditë më radhë janë duke u munduar të fikin zjarrin që ka shpërthyer në Kilimanxharo, në një lartësi mbidetare prej 6 mijë metrash, kanë bërë të ditur sot zyrtar lokalë.
Zjarri shpërtheu gjatë të premtes, kurse erërat e forta e kanë përkeqësuar situatën në rajonin Vhona, pushimoren e alpinistëve në majën më të lartë në Afrikë, transmeton Telegrafi.
Edhe pse erërat sot duken të jenë më të vogla, Paskal Shele, përfaqësues i parkut nacional të Tanzanisë, ka bërë të ditur se situata vazhdon të jetë e rënduar.
Updated video I received apparently of Mount Kilimanjaro a few hours ago. https://t.co/KJ4VcNN8sx pic.twitter.com/Ad3IYRpaKA
— Benjamin Fernandes 🇹🇿 (@Benji_Fernandes) October 12, 2020
“Zjarrfikësit po bëjnë të pamundurën për ta lokalizuar zjarrin”, ka shtuar ai.
Qindra zjarrfikës, banorë dhe studentë të kësaj zone, i janë bashkuar operacionit për fikjen e zjarrit që ka shpërthyer në maje të kodrës.
Kujtojmë që Kilimanxharon brenda një viti e vizitojnë mbi 50 mijë turistë. /Telegrafi/
