Prej nesër, EVN fillon me aktivitetet për zbatimin e masës për tarifë të lirë të energjisë elektrike, përcjell Telegrafi Maqedoni. Janë kryer përgatitjet teknike, ndërsa nga muaji tetor pritet që 800 mijë amvisëri të kenë tarifë të lirë.
Me këtë masë do të zvogëlohen shpenzimet e qytetarëve, veçanërisht për stinën e dimrit, informojnë nga EVN.
“Për këtë vit mund të pritni ulje të çmimit të energjisë elektrike. Në plan afatgjatë ajo varet nga tregu botëror të energjisë elektrike dhe duhet të merren vendime vit pas viti”, tha Stefan Peter, kryetar i KE të EVN-së.
Qeveria planifikon rritjen e prodhimit vendor të energjisë elektrike dhe zvogëlim të importit, duke investuar në centrale me energji diellore dhe me subvencionim të mjeteve kogjenerative për amvisëri.
Sipas ekspertëve, kanë mbetur pak potenciale të pashfrytëzuara për prodhimin e energjisë elektrike në vend, ndërsa për energjinë e diellit vlerësojnë se ende nuk është konkurrente për tregje si Maqedonia me fuqi të vogël financiare./Telegrafi/