Organizuesi i programit “Match of the Day”, Gary Lineker ka zbuluar se kthimi i Cristiano Ronaldos në Manchester United përfundoi në kopshtin e tij.
Portugezi u kthye në Old Trafford në ditën e fundit të afatit kalimtar të kësaj vere në një marrëveshje prej 20 milionë funtesh me gjigantët e Serie A, Juventus , 12 vjet pasi u nis për në Real Madrid për një tarifë rekorde në atë kohë.
United njoftoi se kishin rënë dakord me Juven para ditës së fundit, me marrëveshjen që u finalizua zyrtarisht më 31 gusht.
Superylli portugez nënshkroi një kontratë dyvjeçare për t’u kthyer në Manchester, me marrëveshjen e tij që përmban opsionin e një viti shtesë.
Dhe Lineker tani ka zbuluar se negociatat përfundimtare nga ana e United u zhvilluan në kopshtin e tij.
Ish-sulmuesi i Barcelonës është një fqinj dhe mik i ngushtë i nënkryetarit ekzekutiv të United, Ed Woodward, i cili udhëhoqi bisedimet nga ana e United.
Duket se negociatat ishin ende duke u zhvilluar në ditën e fundit, me Lineker tani duke pretenduar se Woodward diskutoi marrëveshjen me agjentin e Ronaldos, Jorge Mendes, ndërsa ishte në shtëpinë e prezantuesit.
“Unë do t’i vë kartat e mia në tryezë – Ed Woodward është një mik i mirë i imi dhe jeton në vendin fqinj”, tha Lineker për podkastin Match of the Day Top 10.
“Ai nënshkroi me Cristiano Ronaldon kur ishte në kopshtin tim! Ishte e mrekullueshme. Kur hyri ai, ishte në telefon me Jorge Mendes – Shpresoj se nuk po tregoj shumë!”.
“Unë kam një fotografi fantastike të tij të ulur në telefon, të cilën mund ta ndaj një ditë me lejen e tij”, ka shtuar më tej ai.
Deri më tani, lëvizja ka funksionuar jashtëzakonisht mirë, me Ronaldon që menjëherë iu përshtat jetës në Angli. /Telegrafi/