Ministrja e Punëve të Jashtme dhe Diasporës, Donika Gërvalla ka marrë duartrokitje të shumta nga të pranishmit në sallë, ku po mbahej Konferenca Ndërkombëtare Ministrore për Parandalimin e Dhunës Seksuale në Konflikt, në Londër.
E gjithë kjo ndodhi pasi që Gërvalla refuzoi të përgjigjet në pyetjen për viktimat e dhunës seksuale, pasi që para saj për këtë temë ishte ftuar të flas ministri i Jashtëm i Serbisë, Ivica Daçiq, e për të cilin Gërvalla tha se është një nga autorët e këtyre krimeve, si dora e djathtë e diktatorit Slobodan Miloseviq.
E prezenca e Ivica Daçiq në këtë konferencë nuk kaloj pa reagime të ndryshme në Twitter.
Alicia Kearns deputete në Parlamentin e Britanisë së Madhe, tha se kjo është gabim.
This was badly done, and wrong.
Milošević's regime saw the rape of 25,000+ Muslim women with industrialised sexual war crimes in rape camps.
'Little Sloba', Ivica Dacic's nickname, has never apologised for the sexual war crimes of the regime he was the propagandist for. https://t.co/VQ9nq50fCb
— Alicia Kearns MP (@aliciakearns) November 28, 2022
“Regjimi i Millosheviçit pa përdhunimin e 25 mijë e më shumë grave muslimane me krime të industrializuara seksuale të luftës në kampet e përdhunimeve. ‘Slloba i vogël’, pseudonimi i Ivica Daçiqit, nuk ka kërkuar kurrë falje për krimet seksuale të luftës të regjimit për të cilin ishte propagandues”, ka shkruar Kearns.
Në anën tjetër, Rachel Hagan gazetare në “Daily Mirror” në llogarinë e saj në Twitter përmendi momentin e ministres Gërvalla që u prit me duartrokitje pas deklaratës për Daçiqin.
.@donikagervalla was met with cheers and applause when she said "this is just another conference" and questioned whether safe spaces can be possible when survivors of CRSV from her region are being addressed from the platform by perpetrators (likely referencing Ivica Dacic)
— Rachel Hagan (@rachelhagan_) November 28, 2022
Në këtë konferencë, ministrja Gërvalla mori pjesë me ftesë të Sekretarit të Jashtëm të Britanisë së Madhe, James Cleverly.
“Drejtësia është gjithmonë kyçe në këtë çështje, pra çështja e sjelljes së drejtësisë për viktimat e dhunës seksuale në konflikt, është kombëtarisht dhe ndërkombëtarisht detyrë e secilit”, e nisi fjalimin e saj ministrja Gërvalla.
“Si një vend që ka dalë nga gjenocidi, më pak se 30 vjet më parë, nuk besoj se mund t’ju tregoj shumë ju, se si të merreni me dhunuesit, e kryersit e kësaj dhune në vendin tonë, sepse ata kanë ardhur nga jashtë vendit”, tha ministrja Gërvalla, duke aluduar në luftën e fundit në vend dhe krimet e kryera nga Serbia në Kosovë. /Telegrafi/
