Aktorja britanike, Emma Watson, është bërë shënjestër e kritikave pas pozave të saj për Vanity Fair, ku është shfaqur e zhveshur në pjesën e sipërme.
Duke qenë se ajo është një zëdhënëse e njohur e të drejtave të femrave dhe një feministe në përgjithësi, përdoruesit e Twitterit e kanë quajtur hipokrite, pasi që vendimi për të pozuar në mënyrë provokuese bie në kundërshtim me luftën e saj feministe.
Ka pasur edhe të tillë që kanë thënë se fotografitë e tilla lënë të kuptohet se ajo “e mbështet patriarkatin”.
Në një intervistë për Reuters, aktorja ka deklaruar se komentet e tilla nënkuptojnë se ekziston një keqkuptim i madh për atë se çfarë është feminizmi.
“Feminizmi është dhënie e lirës së femrës. Feminizmi nuk është një shkop me të cilin mund t’i godisni femrat tjera. Feminizmi është liri, çlirim, barazi… Nuk e di se çfarë lidhje kanë gjinjtë me këtë gjë. Është diçka konfuze. Nuk e di se çfarë duan të thonë? Se nuk mund të jem feministe nëse kam gjinj?”, është shprehur Emma. /Telegrafi/