Kayla Jenkins është yll në Instagram dhe YouTube ku ka qindra mijëra ndjekës, por që shtëpinë e marrë me qira, e la të mbushur me mbeturina dhe jashtëqitje qeni. Sipas pronarëve, ajo u la borxh mijëra euro qira të pa paguar.
Paul dhe Paula Hopwood që ia lëshuan me qira pronën në Prestwich, regjion në periferi të Mançesterit të Anglisë, vlogeres që njihet në internet si Okaylaaa, pretendojnë se ajo shkaktoi dëme që arrijnë deri në dhjetë mijë euro, andaj po kërkojnë që çështjen ta dërgojnë në gjykatë, transmeton Telegrafi.
Me tu larguar 24-vjeçarja, pronarët kanë hyrë brenda bashkë me kamerat televizive dhe shfaqën në një emision, dyshemenë dhe shkallët e dëmtuara, jashtëqitjet e qenve dhe urinimin në perde, si dhe shumë pjesë të goditura me mjete të rënda.
“Sapo kemi hyrë, ndjehej era e rëndë, pastaj pamë se gjithçka është dëmtuar. Më dhemb shpirti, që më është shkatërruar prona”, ka thënë Paula.
Në anën tjetër, menaxheri i Jenkis ka thënë se këto janë pretendime të rrejshme vetëm për emision, pasi shtëpia është pastruar prej nënës së saj, para se ajo të largohej.
Vlogerja që ka 600 mijë ndjekës në YouTube dhe 100 mijë të tjera në Instagram, është tërhequr për një kohë nga jeta viturale, pasi është nën tretman shkaku i depresionit dhe anktheve.
Pritet që ky rast të dërgohet në gjykatë dhe të hetohet nëse shtëpia është zhytur prej pronarëve, apo ka të bëjë me pakujdesinë e saj. /Telegrafi/
