Një djalë i ri nga Kroacia është bërë “hit” në internet, kjo për faktin se ka ngjashmëri të madhe me presidentin e Serbisë, Aleksandar Vuçiq.
Bëhet fjalë për djaloshin e quajtur Borna, i cili kishte filluar rrugëtimin e tij për të gjetur fatin e jetës në një ueb-faqe të njohur si Tinder, transmeton Telegrafi.
Nuk u nevojiten shumë orë nga publikimi i fotografitë që të fitojë “famë” dhe mijëra kërkesa për miqësi. Madje thotë se për vetëm tri orë, ka pranuar mbi 3 mijë kërkesa për miqësi edhe në Instagram.
29-vjeçari që jeton në komunën e Krizhit por për shkak të punës së fundmi është zhvendosur në Zagreb ku punon si programues, pranon se ishte befasuar me këto që i kishin ndodhur.
Në shumë fotografi që i ka publikuar ky i ri nga Kroacia, komentuesit janë tallur duke shkruar “zotëri president dua të jem pjesë e faqes tuaj”, ndërsa një koment tjetër interesant që ka fituar vëmendjen është “për ty do të votoja”.
Borna thotë se as vetë fillimisht nuk e kishte ditur se çfarë po ndodh. Por, pranon se krahasimin dhe ngjashmërinë e madhe me presidentin serb ia kishin përmendur kolegët qysh kur kishte qenë student. /Telegrafi/