Bota e ekranit është duke vuajtur humbjen e aktorit hollivudian, Chadwick Boseman, i cili ndërroi jetë të premten (28 gusht).
Aktori i dashur ka vazhduar të bëjë historinë edhe pas vdekjes, duke qenë se njoftimi për vdekjen e tij ka marrë më së shumti pëlqime në histori të Twitterit.
Ylli i “Black Panther” ndërroi jetë në moshën 43 vjeçare, pas një lufte katërvjeçare me kancerin e zorrës së trashë (që nuk e kishte bërë publike).
— Chadwick Boseman (@chadwickboseman) August 29, 2020
Njoftimi për vdekjen e tij, ku tregohej se aktori ishte diagnostikuar në shkallën e tretë të kancerit në vitin 2016 e që brenda katër viteve kishte përparuar në stadin e katërt dhe pastaj përfundoi me vdekje – është bërë postimi që tashmë ka kaluar shtatë milionë pëlqime dhe mbi 3.1 milionë shpërndarje.
Rekordin për postimin me më së shumti pëlqime në Twitter e ka mbajtur ish-presidenti amerikan, Barack Obama, (4.3 milionë) kur e kishte publikuar një thënie të famshme të Nelson Mandelas. /Telegrafi/
