Atletico Madridi është mysafir i Portos në Estadio do Dragao për ndeshjen e fundit të fazës grupore në Ligën e Kampionëve.
Los Rojiblancos tashmë janë eliminuar nga gara kryesore evropiane për klubet dhe duhet të fitojnë për ta pasur të sigurt kualifikimin në Ligën e Evropës (ka një pikë më shumë se Bayer Leverkusen që ndodhet në fund të Grupit B).
Skuadra portugeze e ka siguruar pjesëmarrjen në fazën e eliminimit direkt, porse ndodhet me një pikë prapa Club Brugge, ashtu që do ta kërkojë fitoren për të tentuar që ta marrë primatin.
Trajnerët Sergio Conceicao dhe Diego Simeone i kanë zgjedhur formacionet startuese të kësaj përballjeje.
Formacioni startues i Portos: Diogo Costa; Pepe, Fabio Cardoso, Marcano, Zaidu; Grujic, Eustaquio, Otavio, Galeno; Taremi, Evanilson.
Formacioni startues i Atletico Madridit: Oblak; Savic, Gimenez, Reinildo; Molina, De Paul, Saul, Witsel, Correa; Griezmann, Joao Felix.
/Telegrafi/