Portland Trail Blazers kanë shënuar një fitore tejet të rëndësishme, fitore që i afron ata me Play Off-in në NBA.
Në një ndeshje jashtëzakonisht interesante, Blazers kanë triumfuar me rezultat të ngushtë 124:121.
Damien Lillard ka qenê i jashtëzakonshëm në këtë sfidë duke shënuar 51 pikë, pati tre kërcime e dhuroi shtatë asistime.
Përpos Lillard që ishte i pandalshëm, në nivel ishin edhe tre yjet tjera të Blazers.
Carmelo Anthony e mbylli takimin me 20 pikë, CJ McCollum shtoi 16 të tjera teksa qendra Jusuf Nurkic e mbylli ndeshjen me 15 pikë.
Josh Richardson me 34 pikë ishte më efikasi tek 76ers, por që paraqitja e tij e mirë nuk mjaftoi për fitoren e ekipit të tij.
Nga ana tjetër kjo fitore për Blazers do të thotë shumë, pasi momentalisht zënë pozitën e nëntë në Konferencën e Perëndimit me 33 fitore e 39 disfata.
Pozita e tetë në këtë Konferencë mbahet nga Memphis Grizzlies që ka numër të njëjtë fitoreve me Blazers, por ka një takim më pak të humbur. /Telegrafi/
Rezultatet:
Portland Blazers – Philadelphia 76ers 124:121
Sacramento Kings – Houston Rockets 112:129
LA Clippers – Brooklyn Nets 120:129
