Telegrafi

Portieri i talentuar i Benficas shënon një nga golat më të çmendur në histori të futbollit

Driton Gajraku

Portieri i Benfica B, Samuel Soares ka hedhur kandidaturën e tij për çmimin e golit të vitit apo ndryshe që njihet si “Puskas Award”.

Një moment gjenial në minutën e 65-të e pa atë të merrte gjërat në duart e tij, pasi ai kontrolloi topin mirë jashtë zonës së tij dhe e goditi atë përpara.

Fuqia e madhe e Soares në goditje sugjeroi se ai synonte portën, ndërsa topi fluturoi mbi portierin kundërshtar, goditi pjesën e poshtme të traversës dhe hyri me shpejtësi në rrjetë.

Skuadra e tij ishte duke humbur 1-0 në ato momente, dhe ai i barazoi shifrat në 1-1, ndërsa në fund fituan 2-1 ndaj Trofenes.

Duke shpjeguar goditjen e tij të çmendur, Soares tha: “Pashë që portieri i tyre ishte një hap përpara dhe, duke pasur erën në favor, vendosa të rrezikoj. Shkoi mirë, është diçka që do të mbetet e skalitur në kujtesën e shumëkujt”. /Telegrafi/