Telegrafi

Portieri i Sevillas sulmohet nga një tifoz i PSV-së gjatë ndeshjes së Ligës së Evropës, pamjet po bëjnë xhiron e botës

Shkumbin Pireva

Portieri i Sevillas, Marko Dmitrovic shmangu një sulm të madh nga një tifoz që pushtoi fushën, gjatë ndeshjes së skuadrës së tij në Ligën e Evropës kundër PSV Eindhoven të martën mbrëma.

Skuadra spanjolle shkoi në ndeshjen e dytë të raundit të “play-off” me një epërsi 3-0 nga ndeshja e parë, pavarësisht se kishte vështirësi në La Liga këtë sezon.

Ata kishin shpresa të mëdha për të kaluar në fazën e 1/8-tës të garës që kanë fituar në gjashtë raste, të gjitha që nga viti 2006.

Në ndeshjen e dytë, Luuk de Jong i dha epërsinë skuadrës holandeze në minutën e 77-të dhe Fabio Silva shënoi më pas në minutën e pestë të kohës shtesë, për të trembur vërtet mysafirët.

Megjithatë, ishte pamja e një tifozi vendas që vraponte në fushë dhe drejtohej drejt portierit Dmitrovic që do të mbetet gjatë në kujtesë.

Tifozi u afrua me portierin dhe më pas hodhi një grusht, por Dmitrovic mundi ta rrezonte në tokë, përpara se ta mbante poshtë derisa sigurimi arriti në vendngjarje.

Skenat e shëmtuara vërtet e prishën lojën dhe portieri 31-vjeçar ishte me fat që ajo që ndodhi nuk ishte më serioze, përpara se punëtorët e sigurimit ta largonin atë. /Telegrafi/