Një portier belg ka ndërruar jetë të shtunën, pasi ka rënë pa ndenja në fushë, vetëm disa sekonda pasi e mbrojti penalltinë për skuadrën e tij.
Arne Espeel ishte duke luajtur për Winkel Sport B – që luan në divizionin e dytë provincial të West Brabant në Belgjikë – kundër Westrozebeke në terrenin shtëpiak në Sint-Eloois-Winkel, Provinca West Flanders – njofton Daily Mail.
Skuadra e 25-vjeçarit është në epërsi prej 2-1, kur për ekipin kundërshtar u akordua penallti në pjesën e dytë të takimit.
Espeel e priti penalltinë, duke bërë një intervenim të mirë, përpara se të rrëzohej papritmas në fushë, duke rënë menjëherë pa ndjenja.
Shërbimet e urgjencës vrapuan për ta ndihmuar dhe bënë gjithçka që mundën për ta shpëtuar duke përdorur edhe një defibrilator, por 25-vjeçari u shpall i vdekur menjëherë pasi u dërgua në spital.
Winkel Sport është në zi të thellë për shkak të vdekjes së papritur të portierit të winkel Sport B, Arne Espeel. I shprehim familjes dhe miqve të Arne ngushëllimet më të sinqerta në këtë humbje të madhe…”, thuhet në njoftimin e klubit. /Telegrafi/