Gjilani sot do të fillojë aventurën në Ligën e Evropës, që është hera e parë këtë klub.
Gjilanasit zunë vendin e dytë në kampionat, duke siguruar biletën për në Ligën e Evropës.
Skuadra e Gentian Mezanit ka udhëtuar me disa mungesa si Tomislav Busic, Keita Rezak dhe Sebino Plaku.
Në anën tjetër edhe skuadra simpatike e Tre Pennes, ka zgjedhur 25 lojtarë për këtë ndeshje, ndërsa siç e kanë pranuar edhe vetë, janë përforcuar me disa lojtarë për përballjen me Gjilanin.
Ajo që bie në sy është se në listën prej 25 lojtarëve është edhe portieri veteran 54 vjeçar, Alfredo Chierighini.
Ai është një nga tre portierët e ftuar për ndeshjen me Gjilanin, ndërsa sipas statistikave të publikuara në transfermarkt, ai sezonin e shkuar nuk ka mbrojtur asnjë ndeshje, por në shumë prej tyre ishte në bankën rezervë.
Chierighini është për 14 vite më i vjetër se trajneri i Gjilanit, Gentian Mezani.
Gjilani shihet si favorit për ta fituar këtë ndeshje. /Telegrafi/