Zgjedhjet lokale të 15 tetorit janë mundësi për ju qytetarët që të shprehni pikëpamjet e juaja për drejtimin në të cilin duhet të lëvizin komunat tuaja në të ardhmen, porosit kreu i Delegacionit të BE-së në Republikën e Maqedonisë, ambasadori Samuel Žbogar në video porosinë e publikuar në lidhje me zgjedhjet lokale që do të mbahen më 15 tetor.
“I ftojmë liderët e partive politike dhe anëtarët e tyre që të realizojnë zgjedhje pa frikësime dhe dhunë. Rikujtojmë rëndësinë e bërjes së dallimit ndërmjet aktiviteteve shtetërore dhe partiake, në veçanti gjatë kohës dhe pas zgjedhjeve. Ne kemi besim te institucionet shtetërore siç janë policia, institucionet e pavarura si KSHZ-ja, si dhe shoqëria qytetare ta marrin pjesën e tyre të përgjegjësisë për realizim të zgjedhjeve demokratike, të lira dhe fer”, thotë Žbogar.
Ai poashtu thekson rëndësinë e secilës votë në veçanti, duke thënë: “Çdo votë është e rëndësishme. Ftojmë të gjithë qytetarët ta plotësojnë të drejtën e tyre demokratike për votë dhe në atë mënyrë t’i japin formë ardhmërisë së komunave të tyre”/Telegrafi/
