Kryetarja e RDM-së, Liljana Popovska si fajtor kryesor për mos plotësimin e kushteve për zgjedhjet me 5 qershor e paraqet KSHZ-në e cila, sipas saj, duhet që të shkarkohet ose jap dorëheqje.
“Zgjidhja e krizës në këtë fazë duhet të nis me dorëheqjen e Komisionit Shtetëror Zgjedhor, pasi që nuk e kreu punën.
Ata janë fajtor pse nuk mund të mbahen zgjedhje të lira dhe demokratike me 5 qershor. Pastrimi nisi në mënyrë transparente dhe të gjithë pamë se lista zgjedhore është e mbushur me të vdekur, të shpërngulur, persona që nuk ekzistojnë.
Vet KSHZ-ja fillimisht me konsensus erdhi në përfundim se ka mbi 300.000 votues të dyshimtë që duhet të kontrollohen, ndërsa tani thotë se lista zgjedhore është e pastruar. Si mund të besojmë në këtë, kur e dimë RDM-ja ka paraqitur shumë gabime në listë, KSHZ nuk e bëri kontrollin në terren e as që u përgjigj.
Në atë paraqitje qëndron edhe emri i kryeministrit aktual, Emil Dimitriev i gjetur në adresë tjetër prej asaj ku jeton në Probishtip. I njëjti ka dhënë edhe adresë të tretë në listën anketuese. Dhe si t`i besojmë tani institucioneve, të drejtuara prej këtyre njerëzve se do të sigurojnë zgjedhje të lira dhe demokratike?”, pyet Liljana Popovska nga RDM./TetovaSot/Telegrafi/