Me rezultat 84-67, Ponte Prizreni ka fituar kundër Lipjanit në ndeshjen e javës së tetë në Superligën e Kosovës në basketboll.
Skuadra prizrenase që luante si vendas, e nisi sfidën më mirë duke krijuar epërsi prej gjashtë pikësh në çerekun e parë (21:15).
Nikoqirët bënë paraqitje më të mirë edhe në dhjetëminutëshin e dytë (18:12) për ta ngritur akoma më shumë avantazhin para se të shkonin në pushim.
Pas kthimit nga pauza, mysafirët i shënuan dy pikë më shumë në çerekun e tretë të kësaj sfide (21:23).
Porse, vendasit e fituan sërish fraksionin e fundit (24:17) për të regjistruar fitore bindëse në këtë takim.
Kjo ishte fitorja e katërt e Ponte Prizrenit (që i ka zhvilluar vetëm shtatë ndeshje deri më tani) dhe numëron tri humbje. Ndërsa aktualisht mban vendin e katërt në tabelë.
Lipjani është në fund të tabelës me vetëm një fitore dhe shtatë humbje në këtë fillimsezoni. /Telegrafi/