Sekretari Shtetëror i SHBA-ve, Mike Pompeo e përshëndeti ratifikimine e Protokollit për anëtarësimin e Maqedonisë së Veriut në NATO.
Në shkrimin e tij në ‘Twitter’, Pompeo potencon se miratimi i Protokollit për hyrjen e Maqedonisë së Veriut në NATO në Senat e thekson angazhimin amerikan në sigurinë transatlantike, njofton Telegrafi Maqedoni.
“Përshëndes fuqishëm përcaktimin e Maqedonisë së Veriut drejt integrimit në bashkësinë transaltantike. Votimi i djeshëm riafirmon përcaktimin e vazhdueshëm të Maqedonisë drejt parimeve demokratike dhe sundimit të së drejtës dhe kontributit drejt paqes dhe sigurisë në rajon”, thotë Pompeo.
Ndryshe, Senati amerikan më 91 vota ‘për’ dhe dy kundër ratifikoi Rezolutën për ratifikimin e Protokollit për anëtarësimin e Maqedonisë në NATO.
SHBA-të janë vendi i 25-të në NATO-s që ratifikon Protokollin për hyrjen e Maqedonisë së Veriut në NATO./Telegrafi/