Karrige, goma makinash, gjësende metali – këto janë vetëm disa gjëra që rreth 15 polumbarët nxorën nga fundi i Liqenit të Ohrit. Gjithashtu është gjetur një varkë peshkimi që ishte zhytur gjatë motit të fundit të rrëmbyeshëm. Në këtë aksion, që është i 20 me radhë, është pastruar nga porti i qytetit deri në lagjen Saraishtë. Polumbarët shprehen se aksionet e këtilla kanë dhënë rezultat.
Autoritetet lokale shprehen se do t’i mbështesin nismat e këtilla. Planifikohet vendosja e grilave të lumenjve të cilët derdhen në Liqe dhe prej ku bartet pjesa më e madhe e mbeturinave.
Vitet e kaluara nga liqeni janë nxjerrë teknikë e bardhë si lavatriçe, tavolina dhe karrige. Gjatë aksionit me moton “Pa ujë nuk ka jetë”, do të realizohen fotografi nënujore dhe videospot për mbrojtjen e liqenit. Ndryshe, konsiderohet se Liqeni i Ohrit është burimi më i madh i ujit për pije në Evropën juglindore, në një kohë kur 1.2 miliard njerëz në botë nuk kanë qasje deri tek uji i pijshëm.