Ish-zyrtari spanjoll i krahut të djathtë, Alejo Vidal-Quadras, u qëllua me një plumb në kokë sot në qendër të Madridit ndërsa sulmuesi u largua me një motoçikletë.
Vidal-Quadras prej vitesh nuk është aktiv në politikë, por është i pranishëm në publik si komentues dhe prezantues mediatik.
Bashkëthemeluesi i partisë së ekstremit të djathtë, Vox raportohet se është në gjendje të rëndë shëndetësore, njoftoi e përditshmja spanjolle El Pais.
La víctima ha sufrido una herida por arma de fuego en la zona mandibular con orificio de entrada y salida. Lo explica la supervisora de @SAMUR_PC, Mariluz Sabín. @policia investiga este suceso.
Colabora @policiademadrid pic.twitter.com/kRcdZlP4Yi— Emergencias Madrid (@EmergenciasMad) November 9, 2023
Shërbimet e urgjencës së Madridit konfirmuan se “78-vjeçari u trajtua pas një sulmi me armë zjarri gjatë mesditës në lagjen qendrore të Madridit, Salamanca”.
Shërbimet e urgjencës së Madridit, Mariluz Sabin thanë se plumbi i kaloi nëpër nofull.
Ai ishte anëtar i Partisë Popullore konservatore dhe lideri i saj rajonal për shumë vite në Kataloni. Gjithashtu ishte edhe anëtar i Parlamentit Evropian nga 1999 deri në 2014. Më pas u largua nga partia sepse ndau rrugët me kryeministrin e atëhershëm, Mariano Rajoy.
Vidal-Quadras më pas mori pjesë në themelimin e partisë së ekstremit të djathtë Vox, nga e cila më vonë dha dorëheqje. /Telegrafi/