Agjentët e policisë spanjolle kanë zbuluar një lokacion, ku gjendej një laborator i fshehtë për prodhimin e kokainës.
Si rezultat i operacionit policor janë arrestuar pesë persona, e mbi 50 kilogramë kokainë janë sekuestruar dhe mbi 3.000 litra kimikale të nevojshme për përpunimin e kësaj lënde narkotike, transmeton Telegrafi.
“Kjo organizatë kriminale kishte tërë infrastrukturën e nevojshme për prodhimin e afro 150 kilogramë kokainë në muaj. Hapësira e parë kishte kushte minimale për banim, ku kuzhinierët kolumbianë ishin vendosur në të”, thuhet në kumtesën e policisë.
Aty kishte pothuajse gjithçka sikurse një fabrikë, nga materiet e nevojshme për përpunimin e kokainës, e deri te filtrat e mbështjellësit për paketim.
Hetimet për këtë operacion kishin filluar në fillim të këtij viti, kur policia u paralajmëruar për prezencën e një organizate kriminale që ka laboratorë te fshehta në jug të Madridit, ku prodhohet dhe shpërndahej kokaina. /Telegrafi/
🚩 Detenidos 4 "cocineros de la #droga" cuando preparaban #cocaína en un laboratorio clandestino en #Toledo
El asalto fue realizado por el #GEO y arrestaron a un total de 5 personas
Además, fueron intervenidos 50 kilos de clorhidrato de cocaína y 3000 litros de precursores pic.twitter.com/F4y2EvL2N9
— Policía Nacional (@policia) December 12, 2021