Policia e armatosur spanjolle ka arrestuar një shofer suedez pasi ai është parë duke shpejtuar drejt Barcelonës, me një kamion të vjedhur i cili po mbante cilindra gazi.
Siç shkruajnë mediat e huaja, përcjell Telegrafi, zyrtarët thuhet se hapën zjarr pasi ai po ngiste kamionin në rrugën e gabuar përgjatë autostradës Roda del Litoral, drejt zemrës së qytetit.
Automjeti, që mbante dhjetëra bombola butani, është ndalur së fundmi në një nga daljet e rrugës.
Njësia kundër-terror Spanjës ka nisur një hetim mbi incidentin.
Sipas medieve spanjolle, një suedez i identifikuar si Joakim Robin Berggren është arrestuar.
Nuk ka asnjë tregues ende nëse ky ishte një atentat apo vetëm një grabitje e thjeshtë.
Policia nuk ka thënë nëse ka pasur ndonjë të plagosur.
Gjurmët e të paktën një arme zjarri janë të dukshme në xhamin e kamionit. /Telegrafi/
