Një burrë me ngjyrë i cili dyshohej se kishte problem mendore është qëlluar për vdekje nga policia, duke nxitur kështu një valë të re protestash në Shtetet e Bashkuara.
Ngjarja ka ndodhur në El Cajon të Kalifornisë, derisa polici që kishte dalë në vendin e ngjarjes ka deklaruar se burri “sillej çuditshëm” dhe vazhdimisht kishte injoruar urdhrat e policisë, transmeton Telegrafi.
Zëdhënësi i policisë Rob Ransweiler ka bërë të ditur para gazetarëve se policia i janë përgjigjur një telefonate lidhur me një burrë që sillej çuditshëm nëpër rrugë.
“Në momentin që ata ishin shfaqur në vendin e ngjarjes kishin tentuar të bisedojnë me burrin, por pasi që ai nuk ishte bashkëpunues situata filloi të nxehet dhe kështu polici ka reaguar duke e qëlluar me revole”, ka shtuar zëdhënësi i policisë.
Ndërkaq, motra e viktimës pretendon se i kishte telefonuar policisë duke kërkuar ndihmë për vëllanë që kishte probleme mendore. /Telegrafi/