Imazhet e publikuara më poshtë shfaqin zyrtarët policorë në Poloni, që kanë bllokuar rrugët në zonën ku kanë rënë raketat dhe si pasojë humbën jetën dy persona në fshatin Przewodow.
Mbrëmjen e kaluar, presidenti polak Andrzej Duda, njoftoi se Polonia ka aktivizuar Nenin 4 të NATO-s, transmeton Telegrafi.
Ndërkohë, presidenti amerikan Joe Biden, tha se liderët botërore në takimin ku ai po merrte pjesë, janë pajtuar që të mbështesin hetimet për të përcaktuar se çfarë në të vërtetë ka ndodhur.
“Ekzistojnë informacionet preliminare që e kontestojnë këtë. Ka pak gjasa që raketat të jenë shkrepur nga Rusia, por do të shohim”, shtoi Biden.
Kujtojmë që mbrëmë ekspertët ushtarët polakë kanë shkuar në vendin ku ka ndodhur shpërthimi, për të përcaktuar për çfarë lloji të armës bëhet fjalë dhe kujt i përket. /Telegrafi/
