Policia londineze ka njoftuar të martën se vdekjen e Dolores O’Riordan nuk e konsideron si “vdekje të dyshimtë”.
Këngëtarja e “The Cranberries” është gjetur e vdekur të hënën në një dhomë hoteli në Londër.
Autoritetet kanë bërë të ditur se trupi i pajetë i është dhënë patologut, i cili do ta zbulojë shkaktarin e vdekjes së saj.
Një zëdhënës i Policisë Metropolitane ka thënë se Dolores ishte shpallur e vdekur në vendin e ngjarjes.
Përfaqësuesi i këngëtares ka treguar se ajo ndodhej në Londër për të incizuar disa materiale muzikore dhe nuk ka dhënë detaje të tjera.
We are devastated on the passing of our friend Dolores. She was an extraordinary talent and we feel very privileged to have been part of her life from 1989 when we started the Cranberries. The world has lost a true artist today.
Noel, Mike and Fergal— The Cranberries (@The_Cranberries) January 15, 2018
Anëtarët aktualë të “The Cranberries’, Noel Hogan, Fergal Lawler dhe Mike Hogan, kanë bërë një postim në rrjetet sociale për ta nderuar tashmë këngëtaren e ndjerë.
Muzikantja irlandeze me origjinë nga Limerick ndërroi jetë në moshë 46-vjeçare. Ajo ka lënë pas vetes tri vajza.
“The Cranberries” ishte një grup shumë i suksesshëm i viteve të nëntëdhjeta, ndërsa kanë realizuar shumë hite, në mesin e tyre “Animal Instinct”, “Linger” e “Zombie”. /Telegrafi/
