Një burrë është akuzuar për sulm në lidhje me incidentin që përfshin një tifoz të Tottenham Hotspur dhe Aaron Ramsdale, i cili u godit me shkelm në vazhdën e fitores prej 2-0 të Arsenalit kundër Spursave në derbin e Londrës Veriore të dielën.
Pas një paraqitje mbresëlënëse në portë, gardiani i Topçinjve fillimisht pati një debat me Richarlison dhe teksa shkonte prapa portës për të marrë shishen e tij u sulmua nga një tifoz.
Përkrahësi i ekipit vendas në Tottenham Hotspur Stadium është kapur nga kamerat duke e shqelmuar portierin dhe ka ikur drejt tribunave.
from a camera that is clearer and different sides Richarlison & Fans vs Aaron Ramsdale#TOTARS #NorthLondonDerby pic.twitter.com/ieDwboFiu0
— TheBOMBOMs (@TheBOMBOMs) January 16, 2023
“Një burrë është akuzuar për sulm ndaj një lojtari të Arsenalit pas një ndeshjeje në Tottenham Hotspur Stadium të dielën, më 15 janar. Joseph Watts, 35 vjeç (23.06.87) nga Hackney u akuzua të martën, më 17 janar për sulm përmes goditjes, duke shkuar në një zonë ngjitur me zonën e lojës dhe duke hedhur mjete piroteknike në një zonë të lojës së futbollit, të dyja në kundërshtim me Aktin e Futbollit (Kundërvajtjet) të vitit 1991”.
“Ai do të paraqitet në Gjykatën Highbury Magistrates të premten, më 17 shkurt”, thuhet mes tjerash në njoftimin e policisë Metropolitane.
Edhe Federata Angleze e futbollit e dënoi ashpër incidentin pas derbit të Londrës Veriore, duke këmbëngulur se sjellja ishte “krejtësisht e papranueshme”. /Telegrafi/
