Policia e komunikacionit në Tetovë dotë bashkërendojë aktivitet dhe do të bashkëveprojë me më shumë shërbime inspecionale në njëzet ditët në vijim për të liruar hapësirat publike të komunikacionit nga uzurpimi, përcjell Telegrafi Maqedoni.
Do të veprohet ndaj atyre që bëjnë uzurpim për tregti, qëllime hotelierike dhe shërbime tjera. Kështu bëri të ditur zëdhënësi i SPB të Tetovës, Marjan Josifovski.
Me këtë rast, uzurpuesit do të gjobiten deri më 300 euro për persona fizik, si edhe 2000 euro për persona juridik, përfshi 600 euro për përgjegjësit.
Policia beson se me këto masa do të kontribuohet në rendin dhe sigurinë në rrugët e Tetovës dhe trotuaret në prag të ardhjes së mërgimtarëve kur edhe rritet dendësia e komunikacionit./Telegrafi/